ايوة ...جاى
الكوسة بتنادى عليه
وانا مسطول
من غير بنزين
لا تقولى مركب طعمية
ولا الفول
اجمد بروتين
دى حيا تنا وردى ومظبوطة
واللحمة ملية التموين
لا تقولى حكومة وسياسة
ولا مرة وقفنى كمين
وانا عادى
ودماغى عادية
وحقوقى و واجباتى
عارفها
وبنفذ
من غير تعقيد
من حقى اهرتل
واهيس
واكبر فى طابور احلامى
من غير تراخيص
واركن كل حقايق عمرى
فى الممنوع
من غير ما يمانع ايتوها شاويش
من حقى احشش
واشيش
واضرب لى دماغ
من غير لا جناية
ولا دوشة
من حقى
انى اكون
رافض عيشتى
لكن
من واجبى
افضل
ساكت
قاعد
ساكت
ميت
ساكت
والتربة خمسة ف ستة
بتلاتين وش
ودرج العمر
هيفضل فاضى
وانا راح اقولك
ايوة انا جاى
والكوسة بتنادى عليه
وانا مسطول
من غير بنزين
صباح الدماغ العالية اهو ده بقي يا ستي التهييس اللي الناس بيقولوا عليه
ردحذفالظاهر فيه سلك ضرب ولازم نشوف العطل منين بسرعةبدل ما يحصل فقله
علي فكرة النص لطيف واوعي تزعلي
ال
انا مش زعلانة بالعكس انا فرحانة بتعلقك جدا
ردحذفودىفعلا تهيسة على رايك
بس انا دماغى كلها ضاربة اصلا مش سلك واحد
وكل سنة وانتى طيبة
جميله بس انا مش باتكلم فى السياسه
ردحذفلذا اقول
لاتعليق
تحيه لاسعه وبس
ايه يا استاذ لاسع سياسة ايه احنا بتوع الكلام ده برضه
ردحذفاصل انا برضه مليش فى السياسة
تحية واجبة
وكل سنة وانت طيب
تحيه وعيديه
ردحذفوكحك وصحبه هنيه
عيد سعيد