بما انى اول مرة ادون فبصراحة انا عجبتنى فكرة التدوين وحكاية انى اتكلم فى اللى انا عايزاه وحبة اكتر انى اعرض عليكوا يعنى حجات بكتبها يمكن تستمتعو ا بيها ان شاء الله
والبداية هتكون النهاردة
وانا قاعدة كدا خطرت على دماغى فكرة مجنونة اتمنى ان الكل يشاركنى بها
لو رجعنا لورا قوى يعنى مثلا اول ما ربنا سبحانه وتعالى خلق ادم وامر الملائكة بالسجود له
ياترى مين اللى وسوس للشيطان وجعله ما يسجدش لسيدنا ادم
يعنى سؤال غريب بس على حد معلوملتى المتواضعة ان اللى بيوسوس للناس بالشر والمعصية حاجتين النفس الاماره بالسوء والشيطان
طب الشيطان لسه ما كنش بيوسوس لحد وهو من الملائكة يعنى نفسه مش امارة بالسوء امال ايه اللى حصل
قعدت ادور والف حوالين نقسى كتير لحد لما وصلت ان الشيطان ده كان احد الملائكة المقربين وعرف ان فيه حد هيعصى ربنا يوم
السجود لادم عليه السلام وفضل يستنى مين اللى هيتجراء ويعصى الله ملاقاش غير نفسه
يعنى الحكاية كلها كبر وخلاص ولا ايه رايكم اتمنى ان الاقى ارء كتير
يسعدنى ان اكون اول معلق على اول بوست
ردحذفبصى يا ستى
فى قضايا كتير الواحد ممكن تعدى على الواحد
و يفكر فيها
و يتجنن
الجنان حلو
لكن انصحك
فكرى فى الامور دى تفكير فنى
بمعنى خليها تفتح لك افكار ادبية و فنية
لكن متفكريش فى اللى يضيع وقتك
زى فى علم اسمه علم الكلام
من ضمن قضاياه هل القرآن قديم ام مخلوق
يعنى هل القرآن موجودعن الله منذ الازل ولا اتخلق علشان ينزل على سيدنا محمد عليه الصلاة و السلام
تفتكرى ده يوصلنا لحاجة؟!!!!!!!!!
و حتى لو حيوصلنا لحاجة
المهم فى الأخر نعمل بالقران
اللهم انى اعوذ بك من علما لا ينفع
فهمتى حاجة؟؟؟؟؟
شكرا لممرورك على مدونتى و بالتوفيق
يا ترى
انتى تعرفينى شخصيا؟
هى البيضةاتخلقت الاول ولا الفرخة ؟؟؟؟
ردحذفف مجموعة قصص لتوفيق الحكيم اسمها ارنى الله
ف قصة بتتكلم عن الشيطان اسمها الشهيد
مش عارفة ليه افتكرتها وانت بتتكلمى عن الشيطان
ابقى اقريها وقوليلى رأيك
شكرا جدا لتعليق حضرتك
ردحذفبصراحة انا كنت فاكرة ان محدش هيدخل المندونة دى غيري علشان كده كنت شوية زى بكلم نفسى
لكن ما دام فى حد دخل وعلق كمان هحاول اكون عند حسن ظنه حتى لو واحد بس
وشكرا مرة ثانية
شكرا يا شمس
ردحذفسوف اقراها ان شاء الله
بس انتى عارفة علاقتى بتوفيق الحكيم عملة اية
نورتى المدونة واتمنى تشرفينى دائما