يوم الاحد كان يوم عظيم جدا بصراحة ملقتلوش وصف احلى من كدا
المهم صحيت زى العادة قبل الفجر بشوية استمتعت بالهدوء والفراغ
اللى فى الشقة الفجر اذن وصلينا والكل ينام وانا افضل صاحية
اقراء قران او كتاب اقعد على الكومبيوتر يعنى اعمل اىحاجة انا
عايزها المهم على الساعة 11كانت كل الطقوس الصباحيةقد انتهت
ونزلت انا وصاحبتى رحنا جامعة حلوان سالنا على الكورس والتحويل
المهم قالوا هاتوا ورق من الجامعة بتاعتكم رحنا رايحين مدينة نصر
واهو بالمرة نجيب النتيجة بالتفصيل علشان عم عبد الباسط مرضيش يعلقها غير لما يشوف شغله
المهم ملقيناش الموظفة اللى هناخد منها الورق ولا لقينا النتيجة
حمدت ربنا وكنت خلاص هروح بعد المشوار اللى مستفدناش
منه بحاجة راحت صاحبتى قالت لى ده النهارده يوم الهندسة المصرى
يعنى ايه
ده فيه ندوات ومشاريع وحجات كدا اكيد هنستفيد
وبما اننا مشاريع مهندسين رحنا وخصوصا انه كان فى قاعة
المؤتمرات يعنى مش بعيد المهم احنا وصلنا من هنا
وانا مبقتش فاهمة اى حاجة
الانسة اللى استقبلتنا على الباب سالنها لو سمحتى نعرف البرنامج منين
قعدت تقول كلام انجليزى كتييييييييييير مفهمتش منه غير انى لو زائر اروح الاستقبال وشاورت على
مكانه المهم كل حاجة جوه انجليزى الكلام الاعلانات البنفلت كل حاجة
وانا والحمد لله مش فاهمة اى حاجة
اتكلم بالعربى يردوا انجليزى يعنى انتو مصريين وفاهمين عربى
طب فهيمونى لحد ما مسكت واحدة من المتطوعين من इएई
ارجوكى اتكلمى عربى هى المشاريع اوصلها ازاى (ما انا طبعا فقدت الامل فى الندوات ده اللى برة انجليزى مش بعيد فى القاعة يبقى المانى)
طبعا ضحكت بس جاوبت عليا
وشوفت المشاريع بقيت افهم من الرسم والكام مصطلح اللى انا عارفاهم
بس بصراحة المشاريع كانت تحفة
المهم خدت كل تعريفات المشاريع والبرنامج وكل حاجة
طبعا اللى مكتوبة انجليزى
وقمت مروحة انا وصاحبتى اللى طبعا زى مفهمتش حاجة
بس والحمد لله ملقيناش موصلة للمترو ومشينا بعد اللف ده كله
لحد كوبرى القبه
وصلنا البيت وقاعدنا نترجم واكتشفنا اننا كنا اغبية جدا
وان الحكاية كلها اننا اتصدمنا من الانجليزى الكتييييييييير
بس لو كنا قرينا شوية يعنى كنا فهمنا
بس من سعتها وانا قررت يكون قد اللى دخلته يإما هسيبه
صحيح احنا فى الاخر موتنا مش نمنا
بس تصدق رحنا تانى يوم مهو يوم الهلوسة المصرى كان ३ ايام
بس اللى شلنى ان كان فيه اطفال من المدارس الاعدادى والصم والبكم
وعاملين مشاريع
بعيدا ان الواحد اتحسر على نفسه بس على الاقل عرف هو فين
مش كدا ولا ايه
ةالله انا رجليا وجعتنى من اللف وراكم..وتقريبا اخدت خبطة شمس..
ردحذفبصى يابنتى ادخلى الحاجه اللى بتحبيها وتقدرى تنجحى فيها..لان دى مسئوليه ولازم تكونى قدها..وربنا يوفقك للى فيه الخير
الف سلامة عليكى
ردحذفانا لو اعرف انك هيجرالك كدا مكنتش كتبت اى حاجة علشان خطرك
المشكلة انى بحب الهندسة بس مش عارفة انجح ازاى فيها
لانه بالرغم من انها كليه عملية الا ان نص المواد لو حفظتيها هتطلعى الاولى وثانيا القسم اللى عايزاه مش فى الجامعة عندنا بس
متشكرة جدا على تعليقك واتمنى انه يكون بداية صداقة جميلة
بصى يا سوسو اولا الانجليزى ده ميعقدش خالص غير اللى بيتعقدوا منه خليكى واثقة ف نفسك شوية
ردحذفثانيا اللى بيحب حاجة اكيد بيوصلها ولسه انت ف اعدادى متستعجليش ودايما افتكرى مقولة اينشتين دى
"يستطيع اى احمق ان يجعل الاشياء معقدة ولا تحل ولكن الامر يحتاج الى شجاعة لنجعل الامور ابسط ما يمكن"
ماشى ياست شمس
ردحذفمقبولة منك على قد سنك
بقى يستطيع اى احمق
لما اشوفك بس
ومضطرة اقول شكرا على التعليق
المدونة بتاعتك فيها خاصية غريبة إنها مش راضية تظهر عندي في قائمة المدونات !!!
ردحذففكرتيني بأيام الجامعة والذي مضى ,كانت أسؤ أيام في حياتي ,ياللا ربنا يسامحك
والله منا عارفة اقول ايه
ردحذفالسيد الرئيس بنفسه تواضع وجه لحد هنا
ده ايه الهنا ده
متشكرة جدا على الزيارة يا استاذ محمد
بالنسبة للخاصية دى فى ناس قالت لى برضه بس انا معرفش اعمل ايه علشان تظهر لو تعرف قولى
اما ايام الجامعة يا اخى راعى انى لسه فيها
والحمد لله انها خلصت بالنسبة ليك
اما انا فمبحبش السنة تخلص علشان مقررش خطوت السنة اللى بعدها
مع خالص تحياتى
انتى بنى ادمة دمااااااااااااااااااغ
ردحذفده كل اللى اقدر اقولهولك
ماشى يا عزة دماغ ايه علشان افهم
ردحذفتقصدى من انهى نوع
وزيارة اعتز بيها يا جميل
سلام